Brakkasamtökin

BRCA Iceland

Fræðslufundur 21/10/2021:
BRCA og ekki bara BRCA

Í vetur munu Brakkasamtökin standa fyrirfræðslufundaröð um BRCA, aðrar erfðabreytingar og fjölbreytt málefni sem tengjast arfgengu krabbameini. Fyrsti fundur verður haldinn þann 21. október næstkomandi. 

Á þessum fundi munu Sigurdís og Vigdís fræða okkur um breytingar í öðrum genum en BRCA genunum tveim. Þekking á nýjum arfgengum breytingum sem auka líkur á krabbameini er alltaf að aukast. 

BRIP1 genið er gott dæmi en meinvaldandi breytingar í því geni valda t.d. aukinni áhættu á krabbameini í eggjastokkum. Bæði konur og karlmenn geta borið meinvaldandi breytingar í genum. 

Einnig munum við ræða mikilvægi þess að makar þeirra sem bera meinvaldandi breytingar í ákveðnum genum, t.d. ATM, BRCA2 eða BRIP1,  fari í erfðarannsókn því ef báðir foreldrar bera meinvaldandi breytingu getur það aukið líkur á sjaldgæfumog alvarlegum sjúkdómum barna. 

Kynntar verða nýjustu rannsóknir á arfgengum krabbameinum sem tengjast BRCA og öðrum stökkbreytingum.

Tímasetning: 21. október kl. 17.30  – 18.30.

Staðsetning: Hringsalurinn, Landspítala

Fyrirlesarar: Sigurdís Haraldsdóttir, dósent og yfirlæknir krabbameinsdeildar Landspítala og Vigdís Stefánsdóttir, erfðaráðgjafi hjá Landspítala

Fundarstjóri: Anna Margrét Bjarnadóttir, formaður Brakkasamtakanna

Fræðslufundur 23/10/2021:
Nýjungar í áhættuminnkandi brjóstnámsaðgerðum

Á þessum fundi mun Kristján Skúli fræða okkur um nýjungar í áhættuminnkandi brjóstnámsaðgerðum og þá stöðugu þróun sem er í aðferðum við uppbyggingu brjósta kvenna. 

Kristján Skúli er einn fárra íslenskra skurðlækna sem hefur sérhæft sig í svokölluðum onkóplastíkbrjóstaskurðlækningum; Í einni og sömu aðgerðinni fjarlægir hann krabbamein úr brjóstum og fer jafnframt í brjóstauppbyggingu.

Einnig verður rætt mikilvægi þess að ekki eingöngu meðhöndla sjúkdóma, heldur fyrirbyggja þá eins og hægt er.  

Klíníkin býður upp á ráðgjöf, stuðning og allar aðgerðir sem konur með hááhættugen þurfa að undirgangast og er með samning við Sjúkratryggingar Íslands. 

Tímasetning: 23. október kl. 13.30 – 15.00

Staðsetning: Klíníkin, Ármúla 9, Reykjavík

Fyrirlesari: Kristján Skúli Ásgeirsson, sérfræðingur í brjóstaskurðlækningum.